- ဟောင်းဒယူဒူး မသီတာ ကိုယ် စာရေးလိုက်တယ်
အခြေအနေ ဘယ်လို ရှိသလဲ မသီတာ
အနောက်တောင်ထောင့် အရပ်မှာလည်း
အရင်(း) အတိုင်းပဲလား
ကိုယ့်ဘက်မှာတော့ connection ကျကျ
ဖုန်း ဘီ(လ်) လည်း ကျ ကျ
လူဟာလည်း ကျကျ
ဘာ ကျသလည်း မမေးနဲ့
အကုန်လုံး အကုန် အကျ များတယ်
ရာသီဥတုက အားကစား သမားတွေ အကြိုက်တဲ့
အားမှ ကစား ဖြစ်တော့ အားကစားသမား ဘ၀ကို လွမ်းမိ
ကိုယ့်မှာတော့ ဆိုမာလီဖြစ်လိုက် ရိုဟင်ဂျာဖြစ်လိုက်
အမေရိကန် ဖြစ်လိုက် ရုရှားဖြစ်လိုက်
မြန်မာဖြစ်လိုက် ဗမာ ဖြစ်လိုက်
ရှုပ်ရှုပ် ကို ရှက် နေတာပါပဲ။
ဓါတ်လိုက်ခံချင်နေတဲ့ကောင်
ဓါတ်လိုက်တော့ မခံရဘူးဖြစ်နေတယ်
အဖေလည်း ပြန်မလာသေး
အမေလည်း ငုတ်တုတ်ပဲထိုင်နေတယ်
ဘာဆိုဘာမှလည်း မပြော
ကိုယ့်အတွက်တော့ အချိန်ဆိုတာ ဆေးခါးကြီးပေါ့
မြေနီကုန်းမှာ ကားမှတ်တိုင်ရွှေ့သွားပြီ
ပုသိမ်-မြောင်းမြလမ်းလည်း ပြန်ဖေါက်နေပြီ
အဲဒီတော့ သွားရေးလာရေးက ပိုပိုခက်ခဲသွား
ဟိုဟာကျ ဒီဟာကျ ပိုပို ခက်ခဲသွား
အိုလံပစ်ပွဲနဲ့ ရပ်ကွက်ပွဲနဲ့ မာတာနဲ့ မသီတာနဲ့
လှလှကြီးနဲ့ ကီလီမန်ဂျာရိုးနဲ့ကိုယ်လည်း ရွာရိုး
ကိုးပေါက်ပဲ
သူက ဘာကိုယ်စားပြုတယ်
ကိုယ်က ဘာကိုယ်စားပြုတယ်နဲ့
ကိုယ်တို့တတွေ ကိုယ်စားပြုလိုက်
ကိုး စားပြုလိုက် ကိုယ့် စာပြုလိုက်နဲ့
ရှုပ်ရှုပ် ကို ရှက် နေတာပါပဲ။
တွေးတာ နဲ့ တောတာ ကို ကိုယ်စဉ်းစားနေတာ ရှိတယ်
တွေးသလား တောသလား
တိုင်သလား တောသလား
တော အဓိပ္ပါယ်ကလည်း စားတယ် မသီတာ စားတယ်
နာကျင်တာတွေ အံသြတာတွေ
ပြတ်လပ်တာတွေ
မတ်တတ်သာသေလိုက်ချင်တယ် မသီတာ
မင်းလည်း
တိုင်းထားတဲ့
တပါးမှာ
အလကား မနေနဲ့ ရသလောက်သာ ခြစ်ကုတ်
ပြောတာကလွယ်တယ်လုပ်တာကခက်တယ်ဆိုတာ
တို့ဆီမှာပဲလေ
မပြောတတ်ရင် ဆဲသလိုဖြစ်လို့
ကိုယ်ဆဲပဲ ဆဲတော့တယ်
ဘာပဲ ခံရ ခံရ ပြောမှ မပြောတတ်တာ
တော်လေပြီ။
- မောင်မြတ်သူ
No comments:
Post a Comment